Талаба оналарга бола парвариши учун нафақа тўланмайдиган бўлди

Ўзбекистон Олий ва ўрта махсус таълим вазирлиги ва Молия вазирлигининг қўшма қарори билан Олий таълим муассасалари талабаларига нафақалар тайинлаш ва тўлаш тартиби тўғрисидаги йўриқномага ўзгартишлар киритилди, деб хабар бермоқда «Газета.uz».

Жумладан, барча олий ўқув юртлари учун академик қарздорликни белгиланган тартибда ва муддатда топширган талабаларга стипендия қарздорликни ёпиш учун ажратилган бир ойлик муддат якунланганидан кейинги ойнинг биринчи кунидан тайинланиши белгиланди.

Талаба оналарга стипендия ва бола парвариши учун нафақа тўлаш тартибига ҳам тузатиш киритилди. Аввал бола икки ёшга тўлгунча талаба оналарга ҳам тўлиқ миқдорда стипендия, ҳам бола парвариши учун нафақа тўланган бўлса, энди фақат тўлиқ миқдорда стипендия тўланиши белгиланди.