Тошкент «Локомотив»ининг икки футболчиси Англияга йўл олади

Тошкентнинг «Локомотив» ва Англиянинг «Флитвуд Таун» жамоалари ўртасидаги ҳамкорлик келишуви доирасида «темирйўлчилар»нинг икки тарбияланувчиси августда Британияга йўл олади. Бу ҳақда «Championat.asia» хабар бермоқда.

Икки клуб ўртасидаги ҳамкорликни расмийлаштириш учун Тошкентга ташриф буюрган «Флитвуд Таун» вакиллари «Локомотив» ёшлари иштирокидаги ўйинни кузатиб, дарвозабон Рустам Нортожиев билан ҳимоячи Сергей Прохоровни Англияга олиб кетишга қарор қилди.

Ҳар икки футболчи 1996 йилда туғилган бўлиб, олти ойга Англияга йўл олади ва «Флитвуд Таун» сафида «Манчестер Юнайтед», «Ливерпуль», «Эвертон» сингари машҳур клублар ўринбосарларига қарши ўйинларида майдонга тушади.

Маълумот учун, «Флитвуд Таун» Англия биринчи дивизионида иштирок этувчи клубдир.