Тайвань авиация хавфсизлиги кенгаши 2015 йил февралида юз берган ATR-72-600 самолёти ҳалокати бўйича ҳисоботни тақдим этди. «Meduza»нинг хабар беришича, идора сайтида парвоз стенограммаси эълон қилинган.
Маълум бўлишича, ҳалокатга учраган самолёт учувчиси айтган сўнгги гап қуйидагича бўлган: «Вау, мен адашиб бошқа двигателни ўчириб қўйибман».
Самолёт 2015 йил 4 февраль куни қулаган эди. Лайнер бортида 58 киши бўлган. Парвоз вақтида самолётнинг ўнг двигатели ишламай қолган. «Қора қути»да қайд этилишича, учувчи ишламаётган двигателни ўчириш ўрнига нормал ишлаб турган чап двигателни ўчириб қўйган.
Бироқ учувчи сўнгги лаҳзага қадар бошқа двигателни ўчириб қўйганини тушунмаган. Режалаштириш ўрнига, учувчи двигатель ишламай қолган вақтларда амалга ошириш тақиқланган ҳаракатни амалга оширган – самолёт олд қисмини юқорига кўтарган. Авиаҳалокат оқибатида 33 киши, жумладан, ҳар иккала учувчи ҳалок бўлган.
Изоҳ (0)