Ҳиндистон марказидаги Махараштра штатида 4 мингдан ортиқ шифокор меҳнат шароитларининг яхшиланишини талаб қилиб, иш ташлаш бошлади. «ТАСС» хабарига кўра, иш ташлашда мумбайлик 2 мингдан ортиқ шифокор ҳам қатнашмоқда.
Махараштра шифокорлари марказий кенгаши президенти Сагар Мунданданинг сўзларига кўра, «тиббиёт ходимлари ўз меҳнатларига яраша ҳақ олишлари ва ҳукумат томонидан ҳурматга лойиқ кўрилишлари керак».
Шифокорлар томонидан илгари сурилаётган талаблар орасида маош ва стипендиялар миқдорини ошириш, аёл шифокорлар учун қўшимча таътил кунларини ажратиш, иш вақтини аниқ белгилаш, олий таълим муассасасида ўқишни тугатган дан сўнг, агар бир ой ичида белгиланган жойда бўш иш ўрни топилмаса, қишлоқ жойда ишлаб бериш мажбуриятидан озод қилиш кабилар бор.
Мунданданинг таъкидлашича, намойишчилар ўзлари илгари сураётган талаблар бажарилмагунича ишга чиқмасликка қатъий қарор қилишган. Ҳозирча штат раҳбарияти билан олиб борилаётган музокаралар иш ташлаган шифокорлар кутган натижаларни келтирмаяпти.
Изоҳ (0)