Forbes журнали АҚШнинг энг бадавлат сулолалари йиллик рейтингини эълон қилди. RBC.ru хабарига кўра, рўйхатда биринчи ўринни Walmart дўконлар тармоғи асосчиси ҳисобланган Уолтонлар оиласи эгаллаган.
Walmart’нинг олти меросхўри халқаро ретейлернинг 54 фоизига эгалик қилади. Forbes уларнинг бойлигини 149 миллиард долларга баҳолади.
Ундан кейинги ўринни Кох оиласи эгаллаган. АҚШнинг энг йирик иккинчи хусусий компанияси ҳисобланган Koch Industries’нинг эгалари 86 миллиард доллар бойликка эга. Корпорация ишлаб чиқариш, савдо, инвестициялар, нефтни қайта ишлаш ва кимёвий ишлаб чиқариш билан шуғулланади.
Рейтингда учинчи ўринни Марс оиласи эгаллаган. Жаҳондаги энг йирик қандолат компанияси эгасининг бойлиги 80 миллиард долларга баҳоланмоқда.
Умуман, АҚШнинг энг бадавлат оилалари рўйхатидан 193 сулола ўрин олган. Ҳар бирининг бойлиги камида 1,2 миллиард долларга тенг. Энг бадавлат сулолаларнинг умумий бойлигини Forbes 1,3 триллион долларга баҳолади.
Изоҳ (0)