Эквадор ҳукумати 1 июль, чоршанба куни мухолифатни Китодаги президент саройини эгаллаш ҳамда аэропортлар, қўшни Колумбия ва Перу билан чегара пунктларини қамал қилишга уринишда айблади, дея хабар бермоқда «РИА Новости».
Эквадор ички ишлар вазири Хосе Серранонинг таъкидлашича, мухолифат бу ҳаракатларини 2 июль, пайшанба кунига мўлжалланган норозилик намойишлари чоғида амалга оширишни режалаштирган. Гап Кито марказидаги президент Рафаэль Корреа ишлайдиган ҳукумат маркази, шунингдек, пойтахтдаги ва йирик шаҳар — Гуякилдаги аэропортлар тўғрисида кетмоқда.
Бу намойишларнинг асл мақсади мамлакатда тартибсизликлар келтириб чиқариш ва шу орқали 6—8 июлга мўлжалланган Рим папаси Францискнинг Эквадорга ташрифига халақит бериш бўлган.
Эквадордаги оммавий намойишлар июндан бери давом этмоқда. Улар давлат раҳбарининг фойда ва мерос солиғини ошириш бўйича режалари билан боғлиқ.
Изоҳ (0)