Жаҳон банки Непалга апрель ва майда содир бўлган кучли зилзилалардан сўнг қайта тикланиш учун ёрдам сифатида 500 миллион доллар ажратади, дея хабар бермоқда «ТАСС».
Маблағнинг 200 миллион доллари қишлоқ хўжалигини қайта тиклашга, 100 миллиони банк тизимини ривожлантиришга, яна 100 дан 200 миллионгачаси Жаҳон банкининг Непалда бошлаб қўйилган лойиҳаларига йўналтирилади.
Бундан ташқари, Жаҳон банки Непалга халқаро донорлар анжуманини ташкил қилишда ёрдам беришни ваъда қилди.
Непал ҳукумати мамлакат тўлиқ тикланиши учун беш йил давомида 6,6 миллиард доллар талаб этилишини маълум қилган эди.
Изоҳ (0)