2015 йил иккинчи ярмидан бошлаб Хитойнинг Ляньюньган портидан Олма-Ота ва Тошкентга томон ҳар ҳафта бешта контейнер поезди йўлга чиқади. Бу ҳақда Review.uz хабар бермоқда.
KTZ Express компанияси президенти Санжар Елюбаевнинг маълум қилишича, Ляньюньган портидаги Хитой-Қозоғистон терминали орқали 2014 йил майидан бери ҳозирга қадар 65 мингта контейнер қайта ишланган, темирйўл ишга туширилиши билан 130 минг тонна юк ташилган.
Февраль ойида «Ляньюньган – Олма-Ота» ва «Ляньюньган – Тошкент» контейнер поездлари қатнови йўлга қўйилганди. 2015 йилнинг иккинчи ярмидан бошлаб мазкур терминалдан ҳар ҳафта бешта поезд ушбу йўналишлар бўйлаб йўлга чиқиши кутилмоқда.
Хитойнинг Ляньюньган портидаги Хитой-Қозоғистон қўшма терминали 2014 йилнинг май ойида иш бошлади. Бу терминал Қозоғистоннинг темирйўл орқали экспорт-импорт ва транзит салоҳиятини ошириш мақсадида ташкил этилган.
Изоҳ (0)