Йўловчидаги руҳий хасталик туфайли самолёт Челябинскка шошилинч равишда қўнди

Иркутск—Москва йўналиши бўйича учаётган самолёт йўловчининг руҳий хасталиги сабабли Челябинскка шошилинч қўнди, деб хабар беради «Газета.ru» ТАСС маълумотига таяниб.

Самолётда йўловчилардан бири, 1988 йилда туғилган қизнинг аҳволи ёмонлашди. У самолёт салони бўйлаб юриб, бошқа йўловчиларнинг устидан сув қуйди, қўшиқ айта бошлади.

Режадан ташқари қўнишдан сўнг қиз аэропорт тиббий пунктига юборилди. Йўловчи қизнинг маст эмаслиги аниқлангач, у руҳий касалликлар шифохонасига жўнатилди.