Корейс автомобиллари япон машиналаридан ишончлироқ деб топилди

АҚШнинг J.D. Power and Associates маркетинг агентлиги томонидан 29 марта энг ишончли янги автомобиллар рейтинги эълон қилинди, деб хабар бермоқда «Bibi.uz».

2015 йил февраль—май ойларида сотиб олинган автомобиллар ўрганилган тадқиқотда 84 мингдан ортиқ киши иштирок этди. Рейтинг тузиш учун ҳар 100 та автомобилга тўғри келувчи носозликлар сони ўрганилди.

Тадқиқот натижаларига кўра, кучли ўнликдан Porsche (Германия, ҳар 100 автомобилда 80 носозлик), Kia (Жанубий Корея, 86), Jaguar (Буюк Британия, 93), Hyundai (Жанубий Корея, 95), Infiniti (Япония, 97), BMW (Германия, 99), Chevrolet (АҚШ, 101), Lincoln (АҚШ, 103), Lexus (Япония, 104) ва Toyota (Япония, 104) ўрин олган.