АҚШнинг Мичиган штатидаги Детройт шаҳри яқинида жойлашган Инкстер шаҳарчасида 17 июнь тунида дунёнинг энг кекса одами Жералиэн Тэлли 116 ёшида уйқу вақтида вафот этди, деб хабар бермоқда Fox 2 Detroit.
Тэлли жорий йилнинг апрель ойида арканзаслик Гертруда Уивер 116 ёшида вафот этгач дунёнинг энг кекса кишиси деб топилган. Тэлли журналистларга нима истаса, шуни ейишини, оиласини яхши кўришини ва Худога ишонишини маълум қилган эди.
Уивер эса дунёнинг энг кекса одами номи билан бир ҳафтага яқин яшаган. У 2015 йил 1 апрелда япониялик 117 ёшли Мисао Окава вафот этгач дунёнинг энг кекса кишиси деб топилган.
Эслатиб ўтамиз, Қорақалпоғистоннинг Тўрткўл туманида яшаган Тўти момо Юсупова 135 ёшида вафот этгани ҳақидаги хабар ҳам 2015 йил 1 апрель куни берилган эди.
Изоҳ (0)