Калифорнияда яшовчи ит олд оёқларда югуриш бўйича жаҳон рекордини ўрнатди

АҚШнинг Калифорния штатидаги Тусти шаҳрида яшовчи Конжо лақабли ит олд оёқларида югуриш бўйича жаҳон рекордини ўрнатди, деб хабар бермоқда Гиннес рекордлар китобининг расмий сайти.

Конжо беш метр масофани олд оёқларида босиб ўтиши учун 2,39 сония кифоя қилган. Итнинг эгаси Юлия Пастернакнинг сўзларига кўра, у бундай югуришга ёши анча кичиклигида ўрганган бўлиб, ҳар куни шу усулда ҳаракатланиб туради.

https://youtu.be/Cemz5It3ACM

Аниқлик киритилишича, Гиннеснинг рекордлар китоби экспертлари рекордни ўтган йил охирида қайд этган, бироқ китобга энди киритилган. Аввалги рекорд Жифф лақабли итга тегишли бўлиб, у беш метрни 7,76 сонияда босиб ўтган.