Тбилиси ҳайвонот боғидан қочган оқ йўлбарс бир одамни ғажиб ташлагач отиб ўлдирилди
Грузия пойтахти Тбилиси шаҳрида юз берган сув тошқини туфайли ҳайвонот боғидан қочган оқ йўлбарс ҳужуми оқибатида бир киши ҳалок бўлди, деб хабар бермоқда «Вести.ru». Дастлаб бу оқ шер эканлиги тахмин қилинган, бироқ якунда ҳужумни йўлбарс қилгани аниқланган.
Йўлбарс «Лагуна Вере» сузиш мажмуасига кираётган эркакка ташланган ва одам ушбу ҳужум оқибатида ҳалок бўлган. Яна бир киши йиртқич ҳужумидан жабрлангани маълум қилинган. Полиция йўлбарсни зарарсизлантириш учун ён-атрофдаги кўчаларни ёпиб, аҳолидан ташқарига чиқмасликни сўраган.
Тез орада одамга ҳужум қилган йўлбарс махсус операция чоғида йўқ қилингани маълум бўлган.
Бунгача ҳайвонот боғидан қочган оқ шер ҳам йўқ қилинган эди. Аввалроқ, Грузия бош вазири ҳайвонот боғи ташқарисида йиртқичлардан бирортаси қолмаганини маълум қилган.
