БМТ бош котиби Миср ҳукуматини ўлим жазосига мораторий қўйишга чақирди

БМТ бош котиби Пан Ги Мун Миср ҳукуматини ўлим жазосига мораторий жорий қилишга чақириб, олий жазо қўлланилиши мамлакатдаги барқарорликка салбий таъсир қилиши мумкинлигини маълум қилди, деб хабар бермоқда «Ведомости».

«Бош котиб Миср ҳукуматини Фуқаролик ва сиёсий ҳуқуқлар тўғрисидаги халқаро пактнинг Иккинчи протоколини ратификация қилишга ва ўлим жазосига мораторий қўйишга чақиради. БМТ ҳар қандай шароитда ҳам ўлим жазоси қўлланилишига қарши чиқади», — дейилади баёнотда.

Эслатиб ўтамиз, Жиноят ишлари бўйича Қоҳира суди Мисрнинг собиқ президенти Муҳаммад Мурсий ва «Мусулмон биродарлар» ҳаракатининг икки етакчиси ўлим жазосига маҳкум қилингани бўйича якуний қарор чиқарган эди.