Наманган вилоятида фирибгар шифокорлар қўлга олинди

Наманган вилоятининг Тўрақўрғон туманида давлат тиббий муассасаларининг бир неча шифокорлари юзлаб беморларни алдагани маълум бўлди. Бу ҳақда UZ24 хабар бермоқда.

Бу шифокорлар бир неча йил давомида ультратовуш текшируви (УТТ)ни ўтказиш учун беморлардан пул олиб келган, ваҳоланки, давлат тиббий муассасаларида мазкур хизмат бепул тақдим этилиши керак.

«Ҳуқуқ» газетасининг хабар беришича, қўлга олинганлар орасида Тўрақўрғон тумани марказий касалхонаси, Марказий туғуруқхона УТТ шифокорлари, шунингдек, катта миқдордаги пул маблағларини ўзлаштирган бошқа бир қатор тиббиёт ходимлари бор.