НАТОнинг 2016 йилги саммити Варшавада бўлиб ўтади. Мазкур тадбир вақтида Польша Болқон мамлакатларини ҳам альянсга қўшиш таклифини ўртага ташламоқчи. Бу ҳақда Польша мудофаа вазири Томаш Семоняк маълум қилди, дея хабар бермоқда ТАСС.
«Биз келаси йили, НАТОнинг Варшавадаги саммити вақтида альянс ўз таркибига янги аъзоларни, айниқса, Болқон мамлакатларини, хусусан, Македонияни ва халқаро майдонда жуда фаол бўлган Сербияни таклиф қилиши учун бор кучимизни ишга соламиз. НАТО кўпдан бери янги аъзоларни қабул қилгани йўқ, эҳтимол келаси йили бунинг уддасидан чиқилар», - деди Семоняк.
НАТОнинг келаси саммити 2016 йил 8-9 июль кунлари Варшавада бўлиб ўтади. Ташкилот бош котиби Йенс Столтенбергнинг сўзларига кўра, саммитда ҳарбий-сиёсий блок аъзолари «альянс йўналиши иттифоқчиларни ҳар турли томондан кириб келиши мумкин таҳдидлардан ҳимоя қилишга тайёр туришга қаратилишига» эътибор беришади.
Изоҳ (0)