Ўзбекистонлик тиббиёт ходимлари Абдурашитов Бахтиёр Эргашваевич ва Атаджанова Шоира Халиловна тиббиёт соҳасида фойдаланиш учун камқонликни даволашга мўлжалланган доривор восита таклиф этди. Бу ҳақда Ўзбекистон Республикаси Интеллектуал мулк агентлиги хабар бермоқда.
Таклиф этилган воситанинг вазифаси – экологик тоза ўсимлик хом ашёси асосида анемияга қарши маҳаллий, арзон ва юқори даражада самарали препаратни яратиш, алиментар ва гемолитик анемиянинг экспериментал модели асосида унинг қуёнларда перифирик қоннинг морфологик таркибини тиклаш хусусиятини аниқлаш, яллиғланишга қарши таъсирини ва сироп таъсирида иммун тизимнинг табиий равишда, ножўя таъсирларсиз иштирок этиш даражасини аниқлашдан иборат.
Муаллифлар мазкур дори воситасига патент олиш учун талабнома топширди.
Изоҳ (0)