Nikon компанияси ўз камералари учун боғич ишлаб чиқди, унинг ёрдамида итлар кучли ҳаяжонланган лаҳзаларини автоматик равишда суратга тушира олади, дея хабар бермоқда TJournal.
Итни фотосуратчига айлантира оладиган лойиҳа Heartography («heart» — юрак) деб ном олди. Nikon камералари учун яратилган боғич жониворда пульс тезлашганда автоматик равишда суратга олади.
Heartography икки қисмдан иборат, камера учун боғич итнинг бўйнига боғлаб қўйилади; эгилувчан билагузук эса унинг пульсини ўлчайди. Билагузук Bluetooth орқали фотоаппарат билан уланади, бундан ташқари, итнинг пульси кўрсаткичларини кичик OLED-дисплейда кўрсатади. Камера автоматик тарзда суратга ола бошлаши учун зарур бўлган пульс кўрсаткичи итнинг эгаси томонидан белгиланиши мумкин.
Айни пайтда Heartography тажрибавий лойиҳа бўлиб қолмоқда, Nikon қурилмани сотишни бошламоқчи эмас.
Изоҳ (0)