2015 йилнинг I чорагида Ўзбекистондаги коллежларнинг 460 минг битирувчиси корхона ва ташкилотларга бириктирилди
Ўзбекистон Республикасини 2015 йилнинг I чорагида ижтимоий-иқтисодий ривожлантириш якунлари эълон қилинди, деб хабар беради Ўзбекистон Миллий ахборот агентлиги.
2014-2015-ўқув йилида касб-ҳунар коллежи битирувчиларининг ишлаб чиқариш амалиётини ташкил этиш ва бандлигини таъминлаш мақсадида жорий йилнинг биринчи чорагида битирувчиларнинг ишлаб чиқариш амалиётини ташкил этиш ва уларни кейинчалик мазкур корхоналарга ишга жойлаштириш бўйича комплекс чора-тадбирлар ишлаб чиқилди. Натижада касб-ҳунар коллежларининг 461,1 минг нафар битирувчиси корхона ва ташкилотларга бириктирилди.
Жорий йилнинг биринчи чорагида 151 академик лицей ва касб-ҳунар коллежини реконструкция қилиш ва капитал таъмирлаш, шунингдек, уларни зарур инвентарлар билан жиҳозлаш мақсадида 36,9 миллиард сўмлик капитал қўйилмалар ўзлаштирилди. Бу мўлжалланган йиллик ҳажмнинг 27 фоизини ташкил этди.
