Ангренда бир фуқаронинг Samsung русумли телефонини тортиб олишди

Ангрендан бўлган фуқаро шаҳардаги бозордан қайтаётганида унинг йўлини бир йигит тўсиб чиқди, деб хабар беради «Постда» газетаси.

Қайд этилишича, йўлтўсар куч ишлатиб, фуқаронинг Samsung русумли телефонини тортиб олиб, воқеа жойидан яширинган. Жабрланувчи зудлик билан ички ишлар идорасига хабар берган.

Тизим ходимлари томонидан олиб борилган тезкор қидирув ва суриштирув ҳаракатлари ўз натижасини берди: мазкур жиноят ангренлик шахс томонидан содир этилгани аниқланди ва у шаҳар ИИБга келтирилди.