Россия президенти Владимир Путин «Норманд тўртлиги» раҳбарларининг телефон орқали суҳбати чоғида Донбассга тинчликпарвар кучлар киритилишига розилик бермаган. Бу ҳақда Россия президентининг матбуот котиби Дмитрий Песков маълим қилди, деб хабар бермоқда «РБК».
Унинг сўзларига кўра, суҳбат чоғида ҳақиқатан ҳам бу масала кўтарилган, шунингдек ушбу ғояни Россия ҳеч қачон инкор этмаган. Бироқ Минск келишувлари амалга оширилиб, томонларнинг фикри инобатга олинсагина бу масалани муҳокама қилишга ўтиш мумкинлигини қайд этган.
Аввалроқ, Украина президенти Пётр Порошенконинг расмий сайти «Норманд тўртлиги» раҳбарларининг телефон орқали суҳбати чоғида Россия президенти Владимир Путин Донбассга тинчликпарвар кучлар киритилишига розилик берганини маълум қилгани хабар берилган эди.