Хонанда Райҳон ва актёр Йигитали Мамажонов ярашув битимини тузгани хабар қилинмоқда, деб ёзади «Даракчи» газетаси.

«Кўплаб шов-шувларга сабаб бўлган ажрашувдан Йигитали тегишли хулоса чиқариб, рафиқасидан узр сўрагани, Райҳон эса икки ўғлининг бахти учун уни кечиргани ҳақидаги миш-мишлар кундан-кунга болалаяпти. Ажаб эмаски, яқин кунларда ижодкорлар ярашуви тўғрисида расман хабар беришса», − дейилади газета хабарида.

Қайд этилишича, Райҳон оилавий муаммолар билан ўралашиб қолмай, ижодга ҳам эътибор қаратмоқда. У собиқ «Беном» гуруҳи йигитлари яратган «Парвоз этай» қўшиғига Жасур Шаметов билан ҳамкорликда клип суратга оляпти. Қизиғи, у клипда ҳайкалтарош образида намоён бўларкан.