Дилноза Кубаева — «Савдогар» банкининг мижози (видео)

Таниқли кино ва театр актрисаси Дилноза Кубаева чет эл капитали иштирокидаги «Савдогар» банки ҳақидаги видеороликда суратга тушди. Роликда актриса мазкур банк мижози сифатида намоён бўлган.

– Менинг бу видеороликдаги иштироким тасодифий эмас, – деди актриса. – Ҳақиқатан ҳам мен «Савдогар» банкининг мижозларидан бириман. Менга ушбу банк томонидан кўрсатилаётган хизматлар, хусусан, фуқаролар учун жорий этилган омонат турлари ёқади. Хизмат кўрсатиш сифати замонавий ва қулай. Шунинг учун ҳам менга мазкур банк ҳақидаги видеороликда тасвирга тушиш таклифи билдирилганида бажонидил рози бўлдим. Келгусида ҳам банк хизматларидан кенг фойдаланиш ниятидаман.

«Савдогарбанк» 1994 йил 12 майда ташкил топган. 2014 йил 2 сентябрдан банк юридик мақоми чет эл капитали иштирокидаги «Савдогар» акциядорлик тижорат банки қилиб ўзгартирилди.

Ўтган йиллардаги банк фаолиятининг асосий кўрсаткичлари банкнинг барқарор ўсиб бораётганлигини намойиш қилмоқда. Банк активлари миқдори 2015 йил 1 январь ҳолатига 448.6 млрд. сўмга етди ва йил бошига нисбатан 73.8 млрд. сўмга ўсди.

2014 йил февраль ва августда «Мудис» халқаро рейтинг компанияси банкнинг кредитга лаёқатлилиги бўйича «Барқарор» рейтингини қайта тасдиқлади.

Банк хизмат кўрсатаётган мижозлар сони (жисмоний шахслар билан биргаликда) йилдан йилга ортиб бормоқда ва бу кўрсаткич 2014 йил якуни бўйича 244 523 тага етди. Республикамиз ҳудудида 21 та филиал, 25 та минибанк, 45 та махсус касса ва 26 та халқаро пул ўтказиш шахобчалари мижозларга хизмат кўрсатмоқда.

«Савдогарбанк» SWIFT халқаро тўлов тизими аъзоси ҳамда «Золотая корона», «Anelik», «Interexpress», «Contact» ва “Lider” халқаро пул ўтказиш тизимлари оператори ҳисобланади.

Бугунги кунда банкда юқори даромад тўланадиган миллий валютадаги «Бойчечак», «Кўклам нафаси», «Ёз саховати», «Янги йил баракаси», «Омад қувончи», «Обод турмуш», «Сармоя», «Хазина» ва «Коммунал тўлов» муддатли омонат турлари мавжуд бўлиб, 11000 дан ортиқ омонатчиларга хизмат кўрсатилмоқда.

2014 йилда банк кредит сиёсати мамлакат иқтисодиётининг реал секторига қарашли корхоналарни устувор кредитлашга қаратилди. 2015 йил 1 январь ҳолатига кредит қуйилмалари 340 097 млн. сўмни ташкил этди.

Реклама ҳуқуқи асосида