Бирлашган Миллатлар Ташкилоти Непалдаги зилзиладан жабр кўрган 1,4 миллион кишига яқин ойлар ичида озиқ-овқат ёрдамини кўрсатади. Бу ҳақда БМТ гуманитар масалаларни мувофиқлаштириш бошқармаси маълум қилди, деб хабар бермоқда «Корреспондент.net».
Ташкилотнинг ҳисоботида айтилишича, зилзиладан мамлакатнинг 75 туманидан 39 тасида яшовчи жами 8,1 миллионга яқин аҳоли жабр кўрган. Ёрдан яқин уч ой ичида берилиши қайд этилган.
Жаҳон соғлиқни сақлаш ташкилоти дорилар ва ускуналар билан таъминланган саккизта тез тиббий ёрдам мажмуасини ташкиллаштирган бўлиб, улар кейинги ойларда 80 минг кишига ёрдам кўрсатишга мўлжалланган. Мамлакатда гуманитар операциялар ўтказишга 15 миллион доллар сарфланади.
Изоҳ (0)