Польшада анъанавий тарзда ўтказилиб келинаётган «Варшава халқаро марафони» бўлиб ўтди. Учинчи бор ташкил этилган мазкур нуфузли мусобақада жорий йилнинг 22—30 август кунлари Хитойда ўтказиладиган Жаҳон чемпионатининг йўлланмалари ҳам ўйналди, деб хабар қилади Миллий Олимпия қўмитаси матбуот хизмати.
Узоқ масофага югуриш бўйича бўлиб ўтган мусобақада Ўзбекистон шарафини ҳимоя қилган Ситора Ҳамидова 2:41,49 натижа билан 8-ўринни эгаллади ва белгиланган меъёрни бажарган ҳолда Жаҳон чемпионатига йўлланма олди.
Мазкур мусобақада эфиопиялик Фатума Садо марра чизиғига биринчи бўлиб етиб келиб, ғолибликка эришди.
Изоҳ (0)