Ferio Aerospacial Mexico 2015 кўргазмаси доирасида бўлиб ўтган авиашоуда қатнашган самолётлардан бири тақдимот вақтида ҳалокатга учради, деб хабар бермоқда «Коммерсант».
Ҳодиса томошабинларнинг кўз ўнгида, самолётлар томонидан «икки ёқлама ойна» тақдимотини кўрсатиш вақтида содир бўлган. Ҳалокат оқибатида ҳеч ким жабр кўрмаган. Учувчилар самолётдан вақтида сакрашга улгурган. Мексика Мудофаа вазирлиги ҳодиса сабабларини аниқлаш бўйича суриштирув бошлаган.
Қайд этилишича, халқаро аэрокосмик кўргазма Мексика пойтахти Мехико шаҳри яқинида жойлашган авиабазада бўлиб ўтмоқда.
Изоҳ (0)