Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат Shymkent Open аёллар турнирининг жуфтликлар мусобақасида ярим финал иштирокчилари маълум бўлди, деб хабар беради «Olamsport.com».
Россиялик дугонаси Елизавета Хабарова билан жуфтлик ҳосил қилган Ўзбекистон вакиласи Гўзал Юсупова ярим финалга чиқди. Юсупова – Хабарова ҳамкорлиги чорак финалда қирғизистонлик Ксения Палкина ҳамда беларуслик Полина Пехова жуфтлигидан 7:5, 6:4 ҳисобида устун келди.
Энди улар ҳал қилувчи финал чиптаси учун кечадиган баҳсда россиялик теннисчилар – Элизабет Люкшинова ва Валерия Уржумовага қарши кортга чиқади.
Изоҳ (0)