Хонанда Рухшона ва актриса Муқаддас Саъдуллаева фарзанд кутаётгани хабар қилинди

Бироз аввал турмуш қурган, ҳозирда эса оиласининг бағрида тиниб-тинчиб, бахтлар қуршовида сермазмун умр кечираётган хонанда Рухшона ва актриса Муқаддас Саъдуллаева ҳақида ниҳоятда қувончли хабар маълум бўлди, деб ёзади «Shok.uz».

Санъат оламида ҳам сермазмун ижод қилаётган бу ижодкорлар фарзанд кутмоқда. Қайд этилишича, ушбу янгилик хонандалар Фаррух ва Дилсўзнинг тўй базмида маълум бўлган.

Эслатиб ўтамиз, «Манго» гуруҳи солисти Фаррух ва хонанда Дилсўзнинг тўйи 15 апрель куни Навоий шаҳрида, 21 апрель куни Тошкент шаҳрида бўлиб ўтган эди.