Олдинги телефон рақамини сақлаб қолган ҳолда уяли операторни ўзгартириш имконияти уяли алоқа бозорида рақобатни ривожлантиришга ёрдам беради. Қозоғистон инвестиция ва тараққиёт вазири ўринбосари Асқар Жумагалиев буни «мобил қуллик»дан халос бўлиш зарурати учун сабаблардан бири сифатида келтирди, деб ёзади «Nur.kz».
Жумагалиев сўзларига кўра, рақамни ўзгартирмасдан туриб, уяли операторни алмаштириш имконияти қозоғистонликларда 2015 йил охиригача пайдо бўлиши мумкин.
Статистика шуни кўрсатадики, Қозоғистонда рўйхатга олинган уяли рақамлар (24 миллионта) мамлакат аҳолиси сони (17 миллион)дан деярли 1,5 марта кўпдир.
Изоҳ (0)