Ўзбекистонлик икки теннисчи Чимкентдаги турнирнинг чорак финалига чиқди

Қозоғистоннинг Чимкент шаҳрида давом этаётган теннис бўйича «Фьючерс» туркумига кирувчи турнирнинг асосий тўр баҳсларида чорак финал иштирокчилари маълум бўлди, деб хабар бермоқда «Olamsport».

Мукофот жамғармаси 15 минг АҚШ долларини ташкил этувчи Shymkent Open турнирининг асосий тўрида ўзбекистонлик 5 нафар теннисчи иштирок этаётган эди.

Улардан икки нафари чорак финалда курашни давом эттириш ҳуқуқини қўлга киритди. Санжар Файзиев иккинчи давра баҳсида турнирнинг 6-ракеткаси россиялик Иван Гаховни 6:4, 7:5 ҳисобида мағлуб этди. Бешинчи рақам остида ҳаракат қилаётган Темур Исмоилов эса грузиялик Георгий Сивадзедан 6:7, 7:6, 6:3 ҳисобида устун келди.

Энди чорак финалда Файзиев мусобақанинг 1-тартиб рақамли теннисчиси россиялик Антон Зайсев билан ҳисоб-китоб қилса, Исмоилов тўртинчи ракетка россиялик Евгений Тюрнев билан муносабатларига ойдинлик киритади.