Хоразм вилоятидаги устахонадан 18 та телефон ўғирлаб кетилди

Номаълум шахс Хоразм вилояти Урганч туманидаги уяли телефонларни таъмирлаш устахонаси эшигини бузиб кирди, деб хабар бермоқда «Постда» газетаси.

Қайд этилишича, босқинчи устахонадан 18 дона турли русумдаги уяли телефон аппарати ва бир дона камерани ўмариб кетган.

Олиб борилган тезкор-қидирув тадбирлари натижасида ўғриликни содир этишда гумон қилиниб, шу туманда яшовчи шахс қўлга олинди. Ушбу ҳолат юзасидан жиноят иши қўзғатилди.