Тожикистоннинг Рашт тумани Боқи Раҳимзода қишлоғидаги 44-мактабга 19 апрелга ўтар кечаси номаълум шахслар бостириб кириб, дарс жадвали ёзилган плакатни йиртиб ташлади, дея хабар бермоқда Asia Plus.
Бундан ташқари, мактабда Тожикистон харитаси ва деворий газетанинг ёнган бўлаклари топилган. Қамароб қишлоқ кенгаши раиси сўзларига кўра, ушбу гуруҳ мактаб директори ва ўқитувчиларига қаратилган мурожаатнома ҳам қолдириб, таълим муассасаси фаолиятини тўхтатишни талаб қилган.
Рашт тумани раиси ўринбосари туман милицияси бу иш билан шуғулланаётгани ва илк гумонланувчилар борлигини маълум қилди.
Изоҳ (0)