Башар Асад БМТни Сурияга қарши сиёсий пропагандада қатнашишда айблади
Сурия президенти Башар Асад БМТ мамлакатда террорчилар томонидан кимёвий қурол қўлланилгани бўйича далилларни инобатга олмай, Сурияга қарши сиёсий пропагандада иштирок этаётганини маълум қилди, деб хабар бермоқда «РИА Новости».
«Сурия қандайдир давлатга эмас, БМТга мурожаат қилди. Сурия шимолида террорчиларга қарши далиллар кўрсатилганда, БМТ уларга ишонишга уриниб ҳам кўрмади, улар ҳақида эслатиб ҳам ўтмади. Шунинг учун ҳам бу Сурияга қарши пропаганданинг бир қисмидир», − деди Асад.
«Суриядаги можаронинг илк кунлариданоқ президент ва ҳукуматни ёмон душман сифатида кўрсатишга қаратилган пропаганда бошланган. Бу иш бермади. Буни ҳозир Ғарбда Украина масаласида олиб борилаётган пропаганда билан таққослашингиз мумкин. Бу деярли бир хил: Путинни ёмон душман сифатида кўрсатиб, Ғарб жамоатчилик фикрига ёлғон маълумотларни берувчи видео ва мақолалар тарқатиляпти», − деди Сурия президенти.
