«Барселона» футбол клуби ва Бразилия терма жамоаси ҳужумчиси Неймарнинг хотинига доялик қилган шифокор Герберт Крамер футболчидан 13 минг евро ундириб беришларини сўраб, судга мурожаат қиди. Бу ҳақда Sport.es хабар бермоқда.
Крамернинг сўзларига кўра, футболчининг турмуш ўртоғи Карол Дантасни деб у ўз режаларини жиддий ўзгартиришга мажбур бўлган. Туғуруқ вақтида аёлга қўшимча тиббий ёрдам кўрсатишга тўғри келган.
Шу сабабли Крамер бир неча кунга ўзининг хусусий амалиётидан воз кечиб, яна бир шифокор ва ҳамширани ёллашига тўғри келган. У тўрт кун давомида бразилиялик ҳужумчи ва унинг хотини ихтиёрида бўлган.
Бундан ташқари, Крамернинг қайд этишича, Неймарнинг ўғли Лукас ҳомиладорликнинг 37-ҳафтасида туғилган, шу сабабли унга ҳам алоҳида эътибор кўрсатиш керак бўлган.
Шуларни эътиборга олиб, шифокор қўшимча компенсация пули тўланишини талаб қилиб, Неймарни судга берган. Футболчининг бунга муносабати ҳозирча номаълум.
Неймар 2011 йилнинг августида ота бўлганди. Ўйинчи ўша вақтда 19 ёшда, унинг турмуш ўртоғи эса 17 ёшда эди.
Изоҳ (0)