Франкофония дебатлар федерацияси (ФДФ) Наполеон Бонапарт устидан суд жараёни ўтказишга тайёргарлик кўрилаётгани ҳақида эълон қилди. Бу ҳақда ташкилот сайтида хабар берилди.
ФДФ фикрича, шу тариқа 1815 йилда Наполеон Биринчига нисбатан амалга оширилган адолатсизлик тўғриланади. Ўшанда Ватерлоо яқинидаги жангда мағлубиятга учрагач, император судсиз ва терговсиз Авлиё Елена оролига сургун қилинган эди.
«Бонапарт устидан суд» 21 майга белгиланган. Жараёнга ташкилотчилар энг яхши нотиқларни таклиф қилмоқчи. Ғолиб Иль-д’Экс оролига тўрт кунлик сафарга юборилади, айнан ўша ерда Наполеон I Авлиё Елена оролига жўнашдан аввал француз еридаги сўнгги ҳафтасини ўтказган эди.
Франкофония дебат федерацияси бутун дунё бўйлаб жойлашган баҳс-мунозара клублари тармоғидир. У Франция ҳукумати кўмаги остида фаолият юритиб, ўз ишига олий ўқув юртлари профессорлари, журналистлар, тарихчиларни жалб этади.
Изоҳ (0)