Аргентина суди Жастин Биберни ҳибсга олишга ордер берди

Аргентиналик судья Алберто Хулио Банёс канадалик хонанда Жастин Биберни 2013 йилда маҳаллий фотосуратчини дўппослаганликка алоқадорликда айблаб, ҳибсга олишга ордер берди, деб хабар қилмоқда ТАСС.

Бундай қарорга Бибер кўрсатма бериш учун келмагани сабаб бўлган. Шундай қилиб, канадалик қўшиқчи Аргентина ҳудудида пайдо бўлса, у судга мажбурлаб олиб келинади.

Қайд этилишича, 2013 йилги гастрол вақтида Аргентина пойтахтидаги тунги клублардан бирида Биберни суратга олмоқчи бўлган фотографни унинг тансоқчилари дўппослаб, фотоаппаратини олиб қўйган. Улар бу ишни қўшиқчининг кўрсатмаси билан бажаргани тахмин қилинмоқда. Агар Бибер Аргентинада тан жароҳати етказишда айбдор деб топилса, бир йилгача озодликдан маҳрум қилиниши мумкин.