Марокаш жанубида йирик авария оқибатида 31 киши ҳалок бўлди

Марокаш жанубидаги Тан-Тан провинциясида содир бўлган йирик йўл-транспорт ҳодисаси оқибатида камида 31 киши ҳалок бўлиб, 9 киши жароҳат олди, деб хабар бермоқда ТАСС.

Маҳаллий ҳокимият вакилларининг сўзларига кўра, фожеа Шбика коммунасида содир бўлган. Трассада автомобиль тиркамали юк машинаси билан тўқнашиб кетган.

Жароҳатланганларнинг барчаси яқин орадаги шифохонага етказилган, улардан икки нафари оғир аҳволда. Воқеа жойига етиб келган провинция маъмурияти ва қироллик жандармерияси вакиллари авария сабабларини ўрганмоқда.