10 апрель куни Олий Мажлис Қонунчилик палатасида парламент палаталари қўшма мажлиси бўлиб ўтди. Мажлисда 29 март куни бўлиб ўтган Президент сайловларида ғолиб чиққан Ислом Каримовнинг инаугурацияси бўлиб ўтди, деб хабар бермоқда «Uz24.uz».
Марказий сайлов комиссияси раиси Мирзо-Улуғбек Абдусаломов Ислом Каримовга Президент этиб сайлангани ҳақидаги гувоҳномани тақдим этганидан сўнг, Ислом Каримов қасамёд қабул қилди.
«Ўзбекистон халқига садоқат билан хизмат қилишга, республиканинг Конституцияси ва қонунларига қатъий риоя этишга, фуқароларнинг ҳуқуқлари ва эркинликларини кафолатлашга, Ўзбекистон Республикаси Президенти зиммасига юклатилган вазифаларни виждонан бажаришга тантанали қасамёд қиламан», – дея қасамёд қилди Ислом Каримов.
Шундан сўнг, Ўзбекистон Республикаси Президенти нутқ сўзлади.
Марказий сайлов комиссияси раиси республиканинг барча фуқаролари номидан Ислом Каримовни Ўзбекистон Президенти этиб сайлангани билан табриклади.
Изоҳ (0)