Тошкентда Nexia пиёдалар ўтиш йўлагида икки кишини уриб кетди

Тошкент шаҳридаиг Абай кўчасида жойлашган Korzinka.uz супермаркети яқинида Nexia русумли автомобиль икки кишини уриб кетди. Бу ҳақда Facebook’даги «Водители Ташкента» гуруҳи аъзолари маълум қилган.

Қайд этилишича, Nexia пиёдалар ўтиш йўлагидан ўтаётган бир эркак ва бир аёлни уриб кетган, улар машина устидан ошиб тушган. Шундан кейин ҳам машина 15 метргача тўхтамаган.

Оқ рангдаги Lacetti ҳайдовчиси жабрланувчиларни шифохонага олиб кетгани маълум қилинган. Тўпланганлар Nexia ҳайдовчиси билан ушбу ҳаракати учун жанжаллаша бошлаганда ЙПХ ходимлари етиб келган. Фойдаланувчиларнинг қайд этишича, ушбу ҳудудда светофорлар яхши ишламайди, шунингдек, пиёдалар қизил чироққа юрган бўлиши ҳам мумкин.