Бутунжаҳон бокс серияси (WSB) доирасида бешинчи мавсумнинг навбатдаги жанглари ўтказилди, деб хабар беради «Olamsport.com».

Ўзбекистонлик икки нафар боксчимиз – Хасанбой Дўсматов ва Хуршид Норматов фаолият юритаётган «Украина атаманлари» жамоаси бу сафар Касабланка шаҳрида Марокашнинг «Марокаш шерлари» жамоасига қарши рингга кўтарилди.

Бу гал «Атаманлар» мезбонларга 2:3 ҳисобида имкониятни бой берди. Гарчи ҳар икки ўзбекистонлик боксчи ҳам ўз жангларини ғалаба билан якунлаган бўлса-да, бу умумий ғалаба учун камлик қилди. «Украина атаманлари» жамоасининг қолган боксчилари мағлубият аламини тотиб кўрди.