Британия қироличаси Елизавета Иккинчининг невараси шаҳзода Уильям Шарқий Англияда тез ёрдам вертолётлари фаолияти учун жавоб берадиган компанияда ишлай бошлади, деб ёзади ТАСС Кенсингтон саройи матбуот хизматига таяниб.
У ҳаво тез ёрдам хизмати учувчиси сифатида мустақил парвозларни бошлашдан олдин яқин ойлар ичида қўшимча ўқув машғулотларидан ўтиши керак.
Мажбурий тайёрлов курси учиш тренажёрида ишлаш, шунингдек инструктор билан бирга парвоз қилишни ўз ичига олади.
Нашрнинг эслатишича, февраль охирида Уильям тез ёрдам вертолётининг лицензияли учувчиси бўлиш учун ярим йиллик ўқишни тамомлаган, бунинг учун 14 та имтиҳон топширган эди. Бироқ мавжуда қоидалар бўйича шаҳзода иш берувчининг қўшимча машғулотларини ҳам якунлаши керак.
Изоҳ (0)