Малайзия Сенати президенти ўринбосари Дорис София Ак Броди Ўзбекистонда Президент сайлови миллий қонунчилик доирасида ва жаҳон андозаларига мос равишда очиқ-ошкора ўтаётганлигини таъкидлади, деб ёзади ЎзА.
«Сайловчилар эрта тонгдан овоз бера бошлади. Бунга мен Тошкентдаги 160-сайлов участкасида овоз бериш жараёнини кузатиш асносида амин бўлдим, — деди у. — Участкаларда сайловчиларни рўйхатга олиш тартибли ташкиллаштирилгани эътиборимни тортди. Ногиронлар, сайловга келолмайдиган кишилар учун уларнинг хонадонларида овоз бериш ташкил этилгани ҳам диққатга сазовор. Бу инсонпарварликнинг амалдаги ифодаси бўлиши билан бирга, ҳар бир фуқаронинг сайлаш ҳуқуқини таъминлашга қаратилаётган эътибор намунасидир».
Дорис София Ак Броди сайлов участкаларида сиёсий партияларнинг вакиллари ва кузатувчилар, журналистлар учун барча шарт-шароит яратилгани, тиббий хизмат, оналар ва болалар хоналарининг ташкил этилгани, сайловга бундай пухта тайёргарлик кўрилгани, ҳар қандай ҳолат ҳисобга олинганини алоҳида қайд этди.
Изоҳ (0)