Ўзбекистон Миллий ахборот агентлиги Ўзбекистон Республикаси Президенти сайловини кузатиш учун ташриф буюрган халқаро мутахассислар фикрини эълон қилмоқда.
Али Абдулла Муборак Ал Мазруи, «Буруж» компаниясининг ташқи иқтисодий алоқалар департаменти бошлиғи (Бирлашган Араб Амирликлари):
«Сайлов жараёнида фуқароларга овоз бериш учун етарли шароитлар яратиб берилгани диққатимни жалб этди. Бунда беморлар, кексалар, ёш болали, серфарзанд оилаларнинг эҳтиёжлари ҳам тўлиқ инобатга олинган. Сайлов участкаларининг кўплиги сайлов жараёнини ташкил этишда, овоз берувчилар учун қулайлик ва енгиллик яратишда муҳим аҳамият касб этади».
Олег Галлямов, кузатувчи (Россия Федерацияси):
«Ўзбекистондаги тинчлик-хотиржамлик, ижтимоий барқарор муҳитни ғоят қадрлайман. Халқингиз кайфияти, руҳиятидаги кўтаринкилик, бахтиёрлик, вазминлик, ўз ҳаётидан мамнунлик туйғуси ўзбекистонликларнинг келажакка бўлган қатъий ишончидан далолатдир. Сайлов жараёнини маҳаллий ва халқаро кузатувчилар, барча сиёсий партияларнинг вакиллари, оммавий ахборот воситалари ходимлари бевосита кузатиб бориши учун етарли имкониятларнинг яратилгани сайловларнинг очиқ-ошкора, холис ва ҳаққоний руҳда ўтишини таъминлашда асосий омил бўлмоқда».
Изоҳ (0)