Янги авлоддаги Chevrolet Malibu седани Volt электромобилининг ишлаш мосламаларига эга гибрид версияси ҳам чиқарилади, деб хабар бермоқда «Motor.ru».
Қувват мосламалари таркибидан 1,8 литрли бензинли двигателдан ташқари Volt электромотори ҳамда 1,5 киловатт/соат қувватга эга литий-ион батареялар тўплами ўрин олади. Уларнинг умумий қуввати 182 от кучини ташкил этади.
Фақатгина электромотор ишлаб турганда Malibu 86 километр/соатгача тезликда ҳаракатлана олади, юқори тезликда эса бензинли двигатель қўшилади. Қўшма режимда Malibu 100 километрга 5,2 литр бензин сарфлайди. Шунингдек, тўхташ вақтида йиғиладиган энергияни сақлаб олиш тизими ҳам қўлланилади.
Эслатиб ўтамиз, Chevrolet янги авлоддаги Malibu автомобилларида ўсмирларнинг ҳаракатларини ота-оналарга етказиб берувчи тизим ўрнатилишини маълум қилган эди.
Изоҳ (0)