Ўзбекистонда хизмат кўрсатган артист Юлдуз Турдиеванинг саломатлигидан хорижликлар ҳам хавотирда, деб хабар беради «Даракчи» газетаси.

«Қўл телефоним тинмаяпти, ҳар дақиқада кимдир қўнғироқ қилади. Бошқа давлатлардаги мухлисларим ҳам овозимдан хавотирда. Аслида ташвишланишга ўрин йўқ, ҳозир мунтазам шифокор назоратидаман», – деди Юлдуз Турдиева.

Хонанда аввалдан режалаштирилган концерт ва тадбирлар сабаб операцияни май ойига қолдирди. Бироқ шифокорлар операция қанча кечиктирилса, овоз шунча зўриқишини таъкидламоқда, дейилади манбада.

Эслатиб ўтамиз, аввалроқ ижодкорнинг овоз пардалари билан жиддий муаммолар келиб чиққани хабар қилинган эди.