Chevrolet Malibu седанининг кейинги авлоди ота-оналар учун ўсмирларга автомобилнинг баъзи тизимларидан фойдаланишни тақиқлаш ва болаларнинг автомобилни бошқариш услуби ҳақида хабардор бўлиш имконини берувчи Teen Driver тизими билан таъминланади, деб хабар бермоқда «Motor.ru».
Тизим ишлаши учун мулtimeдиа мажмуасининг ота-оналар пароли билан ҳимояланган махсус бўлимида ёш ҳайдовчилар фойдаланиши учун калит ёзилиши лозим. Teen Driver функцияси ҳар бир ҳаракатнинг масофасини, энг юқори тезликни, тезлик оширилгани бўйича огоҳлантиришлар сонини, барқарорлаштириш, тўқнашувдан огоҳлантириш тизимларининг ишлаш ҳолатларини қайд этиб боради.
https://www.youtube.com/watch?v=jXsgcP2dexE
Бундан ташқари, хавфсизлик камари тақилмагунча аудиотизим ишламайди. Ота-оналар 64−120 км/соат диапазонида максимал тезликни танлаш имконига эга бўлади, тезлик белгиланган кўрсаткичдан ошганда, овозли сигнал тарқалади. Шунингдек, ушбу режимда хавфсизлик билан боғлиқ бир нечта тизимларни ўчириб қўйиб бўлмайди.