23 март куни «Эмари» авиабазасида Эстония ва АҚШ ҳарбий ҳаво кучлари қўшма йиғинларининг фаол босқичи бошланди, деб хабар бермоқда «Европейская Правда».

АҚШнинг 14 та F-16 қирувчи самолёти иштирокида бўладиган йиғинларда Эстониянинг янги тарихида илк марта ердаги нишонларни ҳаводан йўқ қилиш манёврлари амалга оширилади. Бунда бир самолёт мўлжални аниқласа, иккинчиси уни йўқ қилиш учун бомба ташлайди.

АҚШ самолётлари бир жойда кўп шовқин солмаслик ва имкони борича кўпроқ эстонияликларга самолётларни кўриш имконини бериш учун парвозлар йўналишини тез-тез ўзгартириб туради. 17 апрелгача давом этадиган йиғинларда Финландия ва Швеция ҳам қўшилади, бироқ уларнинг самолётлари ўз мамлакатлари ҳаво ҳудудидан ташқарига чиқмайди.