Бугун,

  • USD 11095.31
  • RUB 173.84
  • EUR 10772.44

Қатар пойтахти Дҳха шаҳрида таэквондо (WTF) бўйича нуфузли Qatar Open мусобақаси яунига етди. Кечаги кун дастурида ўтказилган ўсмирлар ўртасидаги баҳсларда Ўзбекистон терма жамоаси аъзолари яна бир нечта медаллар жамланмасини қўлга киритишди, деб хабар бермоқда «Olamsport».

Фото: olamsport.com

Фото: olamsport.com

-37 кг вазн тоифасида ўтказилган баҳсларнинг ҳал қилувчи финал учрашувида ўзбекистонлик икки спортчи олтин медаль тақдирини ҳал қилди. Улуғбек Рашидов жамоадоши Шаҳзод Жўраевни 4:2 ҳисобида енгиб, шоҳсупанинг юқори поғонасига кўтарилди.

Эътиборлиси, -73 кг вазн тоифасидаги финал беллашувига ҳам икки вакилимиз етиб келди. Шаҳбоз Шофайзиев Ҳожиакбар Зокировни 13:3 ҳисобида мағлуб этиб, олтин медаль билан тақдирланди. -63 кг вазндаги вакиламиз Нигора Турсунқулова финал беллашувида қатарлик Ниам Конноллидан 19:2 ҳисобида устун келди.

-65 кг вазн тоифасидаги ўсмирлар баҳсида Исломжон Адҳамовга тенг келувчи рақиб топилмади. У олтин медаль учун кечган баҳсда мезбон спортчи Лукен Вонгни 16:0 ҳисобида мағлубиятга учратди. Яна бир хушхабар – Ўзбекистон ёшлар жамоаси мураббийи Абдувоҳид Раҳимов мазкур халқаро турнирнинг энг яхши мураббийи деб топилди.

Шу тариқа, Ўзбекистон ёшлар, кадетлар ва катталар терма жамоаси тўрт кун давом этган «Қатар Очиқ» чемпионатида жами 10 та олтин, 6 та кумуш, 5 та бронза медалини қўлга киритишди.

Изоҳ
Асосий янгиликлар
Маҳаллий
Тошкентдаги боғчада болалар оёғига игна тиқилгани ортидан икки киши жаримага тортилди
Дунё
Лукашенко Каховка ГЭСни украиналиклар атай портлатганини айтди ва бунинг “сабабини” келтирди
Маҳаллий
Тошкент вилоятида каналда оқиб кетган 5 ёшли боланинг жасади топилди