Ўзбекистон миллий терма жамоаси 23 март куни Тошкентда йиғилади

Ўзбекистон миллий терма жамоаси Жанубий Корея ва Япония терма жамоаларига қарши ўртоқлик учрашувларидан олдин 23 март куни Тошкентда йиғилади. Шундан сўнг, терма жамоа 24 март куни Жанубий Корея пойтахти Сеул шаҳрига жўнаб кетади ва ўз йиғинини давом эттиради, деб хабар беради «Stadion.uz».

Миржалол Қосимов бош мураббийлигидаги миллий терма жамоа 27 март куни Жанубий Корея терма жамоасига қарши ўртоқлик учрашувида майдонга тушади. Ушбу учрашувдан сўнг терма жамоа Япония пойтахти Токио шаҳрига жўнаб кетади ва у ерда 31 март куни Япония терма жамоасига қарши ўртқолик учрашувини ўтказади.

Таъкидлаш жоиз, Жанубий Корея ва Японияга қарши учрашувлар Ўзбекистон терма жамоаси учун июнь ойида старт оладиган ЖЧ – 2018 саралаш 2-босқич баҳсларига тайёргарлик вазифасини ўтайди.