Nike компанияси CR7 бренди туфайли Роналду билан шартномасини бекор қилишига оз қолди

Криштиану Роналдунинг асосий ҳомийси ва унинг номида CR7 бренди остида кийимларни ишлаб чиқарувчи Nike компанияси «Реал» футболчисининг оёқ кийим ишлаб чиқариш фикрига қарши чиқди, деб хабар бермоқда «Корреспондент.net».

Қайд этилишича, Роналду Португалиянинг кийим ишлаб чиқарувчи Portugal Footwear компанияси билан ҳамкорликда кундалик ва спорт оёқ кийимларини ишлаб чиқаришни режалаштирган. Бунга жавобан Nike Роналдуга шартномани бекор қилиш билан таҳдида қилган. Ушбу келишувга биноан компания ҳар йили Роналдуга 7  миллион евро тўлайди.

Ўзининг бош ҳомийси билан келиша олмагач, португалиялик футболчи ўз номидан чиқаришни режалаштирган барча оёқ кийимларни муомаладан чиқарган.